pune sports development budget 2026। पुण्यात नर्सरीपासून हायपॉक्सिक ट्रेनिंगपर्यंत मोठा प्लॅन
पुणे : ‘फिट पुणे, फिट इंडिया’ या संकल्पनेला बळ देण्यासाठी पुणे महानगरपालिकेच्या 2026-27 च्या अर्थसंकल्पात क्रीडा क्षेत्रासाठी महत्त्वाच्या योजना जाहीर करण्यात आल्या आहेत. स्थायी समिती अध्यक्ष Shrinath Bhimale यांनी क्रीडा विकासासाठी विशेष तरतूद करत शहरात क्रीडा संस्कृती रुजविण्याचा निर्धार व्यक्त केला. लहान वयातच क्रीडा प्रतिभा विकसित करण्यासाठी हडपसरसह शहरातील विविध भागांत ‘स्पोर्ट्स नर्सरी’ सुरू करण्यात येणार आहे. या उपक्रमामुळे भविष्यातील खेळाडू घडविण्यास मदत होणार असून क्रीडा संस्कृतीला चालना मिळणार आहे. (pune sports development budget 2026 sports nursery hypoxic training)
ओव्हरहेड केबल ते PPP प्रकल्प ; पुणे मनपाचा महसूल वाढीचा मास्टरप्लॅन
शहरातील Jawaharlal Nehru Stadium Pune याचा विकास करून खेळाडूंना आंतरराष्ट्रीय दर्जाच्या सुविधा उपलब्ध करून दिल्या जाणार आहेत. आधुनिक उपकरणे, प्रशिक्षण सुविधा आणि सरावासाठी आवश्यक पायाभूत सुविधा उभारण्यात येणार आहेत. तसेच Ganesh Kala Krida Manch यालाही आधुनिक स्वरूप देण्यात येणार आहे.
शहरातील विविध भागांत अत्याधुनिक क्रीडांगणे विकसित केली जाणार असून युवकांना अधिक संधी उपलब्ध होणार आहेत. अॅथलेटिक्स, मॅरेथॉन, सायकलिंग आणि गिर्यारोहण यांसारख्या खेळांसाठी अत्याधुनिक हायपॉक्सिक ट्रेनिंग सुविधा उपलब्ध करून दिली जाणार आहे. या केंद्रात वैज्ञानिक प्रशिक्षण, तज्ज्ञ मार्गदर्शन, फिटनेस मॉनिटरिंग आणि परफॉर्मन्स अॅनालिसिस सुविधा दिल्या जातील.
याशिवाय, मनपाची क्रीडा धोरण प्रभावीपणे राबवित नवीन क्रीडांगणे, बहुउद्देशीय स्पोर्ट्स कॉम्प्लेक्स, बॅडमिंटन कोर्ट, जिम, स्विमिंग पूल आणि ओपन जिम उभारण्यात येणार आहेत. खेळाडूंना प्रशिक्षक, क्रीडा साहित्य, दत्तक योजना, नोकरीत आरक्षण, शालेय स्पर्धा, शिष्यवृत्ती आणि पुरस्कारांद्वारे प्रोत्साहन दिले जाणार आहे. या सर्व उपक्रमांमुळे पुण्यातील क्रीडा क्षेत्राला नवी दिशा मिळणार असून शहर ‘फिट इंडिया’च्या उद्दिष्टाकडे वेगाने वाटचाल करणार आहे.
