मोठी बातमी ! कर्जमाफीची दुसरी यादी कधी येणार ? सहकार आयुक्तांनी दिली तारीख  

सहकार आयुक्तालयात आयोजित पत्रकार परिषदेत तावरे यांनी सांगितले, राज्यातील पहिल्या यादीत १६.९६ लाख शेतकऱ्यांचा समावेश असून, त्यांना सुमारे १३,६०० कोटी रुपयांच्या कर्जमाफीचा लाभ मिळणार आहे. यामध्ये ७.०३ लाख सहकारी बँकांतील आणि ९.९३ लाख व्यापारी बँकांतील कर्जखात्यांचा समावेश आहे.

महाआयटीच्या संगणकीय प्रणालीद्वारे संपूर्ण प्रक्रिया राबविण्यात येत असून, त्यामध्ये मानवी हस्तक्षेपाला वाव नसल्याचे तावरे यांनी स्पष्ट केले. आतापर्यंत ३१.१७ लाख शेतकऱ्यांची माहिती प्रणालीमध्ये प्राप्त झाली आहे. व्यापारी बँकांतील अनुत्पादित कर्ज खात्यांसाठी शासनाने तडजोडीचे धोरण लागू केले असून, त्यानुसारच कर्जखात्यांचे प्रमाणीकरण केले जात आहे.

पहिल्या यादीतील रक्कम आणि आधार प्रमाणीकरण यावेळी प्रणालीवर दिसणाऱ्या रकमेतील तफावत ही तडजोडीच्या सूत्रामुळे असून, पात्र शेतकऱ्यांना कोणतीही अतिरिक्त रक्कम भरावी लागणार नाही. आधार प्रमाणीकरण पूर्ण झाल्यानंतर कर्जमाफीची अंतिम रक्कम संबंधित कर्जखात्यात जमा होईल आणि शेतकऱ्यांचे कर्जखाते शून्य झाल्यानंतर त्यांना नव्याने पीककर्ज घेणे सुलभ होईल, असेही तावरे यांनी सांगितले.

व्यापारी बँकांमधील अनुत्पादित (NPA) कर्जखात्यांसाठी शासनाने तडजोडीचे धोरण लागू केले असून, त्यानुसारच कर्जखात्यांचे प्रमाणीकरण केले जात आहे. त्यामुळे पहिल्या यादीतील कर्जमाफीची रक्कम आणि आधार प्रमाणीकरणावेळी प्रणालीवर दिसणाऱ्या रकमेतील तफावत ही या तडजोडीच्या सूत्रामुळे असल्याचे त्यांनी स्पष्ट केले.

तावरे यांनी सांगितले की, पात्र शेतकऱ्यांना कोणतीही अतिरिक्त रक्कम भरावी लागणार नाही. आधार प्रमाणीकरण पूर्ण झाल्यानंतर कर्जमाफीची अंतिम रक्कम थेट संबंधित कर्जखात्यात जमा केली जाईल. कर्जखाते शून्य झाल्यानंतर शेतकऱ्यांना नव्याने पीककर्ज घेणे अधिक सुलभ होणार आहे.