Land Titling Act Maharashtra। जमीन व प्रॉपर्टी वादांना ब्रेक? महाराष्ट्रात येतोय नवा कायदा   

भारतीय विद्यापीठाच्या च ६२ व्या वर्धापन दिनानिमित्त आयोजित कार्यक्रमात ते बोलत होते. यावेळी शिक्षण मंत्री दादाजी भुसे, आमदार भीमराव तापकीर, विश्वजित कदम, कुलपती , डॉक्टर शिवाजीराव कदम आदी उपस्थित होते.

बावनकुळे म्हणाले, शिक्षणाशिवाय विकसित भारताची संकल्पना पूर्ण होऊ शकत नाही. राज्य शासनाने कृत्रिम बुद्धिमत्ता (AI) धोरणांतर्गत दीड हजार कोटी रुपयांच्या गुंतवणुकीचे करार केले असून, दीड लाख विद्यार्थ्यांना एआय तंत्रज्ञानाचे प्रशिक्षण सुरू करण्यात आले आहे. आगामी काळात विद्यापीठांनी तंत्रज्ञान आणि एआय स्वीकारणे आवश्यक असल्याचे त्यांनी नमूद केले.

विद्यार्थ्यांना शैक्षणिक कागदपत्रांसाठी स्टॅम्प पेपरची आवश्यकता उरलेली नसून, विविध प्रमाणपत्रे विनामूल्य उपलब्ध करून दिली जात आहेत. ‘छत्रपती शिवाजी महाराज महसूल अभियान’ अंतर्गत ३० लाख विद्यार्थ्यांपर्यंत आवश्यक कागदपत्रे मोफत पोहोचविण्याची व्यवस्था उभारण्यात आल्याचेही त्यांनी सांगितले.

शिक्षण मंत्री दादाजी भुसे यांनी यावेळी बोलताना ग्रामीण व गरीब विद्यार्थ्यांना गुणवत्तापूर्ण शिक्षण देण्यावर भर दिला. शिक्षणासोबत संस्कार, राष्ट्रभक्ती आणि शिस्तही महत्त्वाची असल्याचे त्यांनी सांगितले. तसेच विद्यार्थ्यांसाठी एआय शिक्षण, सेल्फ डिफेन्स प्रशिक्षण, शिक्षक प्रशिक्षण आणि शाळांमधील मूलभूत सुविधांवर शासन विशेष लक्ष देत असल्याचे त्यांनी स्पष्ट केले.कार्यक्रमात ज्येष्ठ पत्रकार राजदीप सरदेसाई यांना दुसरा डॉ. पतंगराव कदम स्मृती पुरस्कार प्रदान करण्यात आला. तसेच विद्यापीठातील संशोधक, प्राध्यापक आणि कर्मचाऱ्यांचाही गौरव करण्यात आला.

महाराष्ट्रात जुलैपासून ‘लँड टायटलिंग ॲक्ट’ लागू होणार असून असा कायदा करणारे महाराष्ट्र देशातील पहिले राज्य ठरणार आहे, अशी माहिती महसूल मंत्री चंद्रशेखर बावनकुळे यांनी पुण्यात दिली.