पुणे विद्यापीठाचे समाजासाठी योगदान काय? ; चंद्रकांत पाटील यांच्या प्रश्नाने खळबळ

 

पुणे : उच्च व तंत्र शिक्षण मंत्री चंद्रकांत पाटील यांनी “सावित्रीबाई फुले पुणे विद्यापीठाचे संशोधनातील आणि समाजासाठीचे योगदान नेमके काय?” असा प्रश्न उपस्थित केल्यानंतर राज्याच्या शैक्षणिक वर्तुळात नव्या चर्चेला तोंड फुटले आहे. त्यांच्या वक्तव्यामुळे विद्यापीठातील संशोधनाची गुणवत्ता, त्याचा समाजावर होणारा प्रभाव आणि राष्ट्रीय-आंतरराष्ट्रीय स्तरावरील कामगिरी याविषयी चर्चा सुरू झाली आहे. (chandrakant patil question on pune university research contribution)

 

 

विद्यापीठांमध्ये होणारे संशोधन हे मुख्यतः शैक्षणिक आणि सामाजिक विषयांशी संबंधित असते. मात्र, हे संशोधन केवळ पीएच.डी. पदवी, संशोधन प्रकल्प पूर्ण करणे, अनुदान किंवा फेलोशिप मिळविणे यापुरते मर्यादित राहते का, असा प्रश्नही यानिमित्ताने उपस्थित होत आहे.

 

Pune Crime News । नावाची नंबर प्लेट उलट्या दिशेने लावली अन् बनाव झाला उघड !

 

तज्ज्ञांच्या मते, संशोधनाची गुणवत्ता आणि त्याचा समाजाच्या विकासावर होणारा प्रत्यक्ष परिणाम मोजण्यासाठी प्रभावी यंत्रणा अद्याप विकसित झालेली नाही. त्यामुळे संशोधनाचा दर्जा आणि त्याचे उपयोजन याबाबत वस्तुनिष्ठ मूल्यमापन होत नसल्याचे चित्र आहे.

 

चंद्रकांत पाटील यांच्या वक्तव्यामुळे पुणे विद्यापीठासह राज्यातील सर्व सरकारी विद्यापीठांमधील संशोधनाच्या गुणवत्तेचा आणि समाजाभिमुखतेचा मुद्दा पुन्हा एकदा चर्चेच्या केंद्रस्थानी आला आहे. याबाबत विद्यापीठ प्रशासनाने अधिकृत भूमिका स्पष्ट करावी, अशी मागणीही आता पुढे येत आहे.