SSC Result 2026: खुशखबर ! दहावीचा निकाल ऑनलाइन जाहीर
राज्यात ९२.०९ टक्के निकाल; कोकण विभाग अव्वल तर छत्रपती संभाजीनगर विभागाचा निकाल सर्वात कमी
SSC Result 2026 महाराष्ट्र राज्य माध्यमिक व उच्च माध्यमिक शिक्षण मंडळामार्फत फेब्रुवारी-मार्च २०२६ मध्ये घेण्यात आलेल्या माध्यमिक शालान्त प्रमाणपत्र (इयत्ता १० वी) परीक्षेचा निकाल आज, शुक्रवार ८ मे रोजी सकाळी ११.३० वाजता ऑनलाइन जाहीर होणार आहे
आधिकारिक वेबसाइट्स
* https://sscresult.mkcl.org
यंदा राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांतून १५,५५,०२६ नियमित विद्यार्थ्यांनी नोंदणी केली होती. त्यापैकी १५,४२,४७२ विद्यार्थी परीक्षेला बसले असून १४,२०,४८६ विद्यार्थी उत्तीर्ण झाले आहेत. त्यामुळे नियमित विद्यार्थ्यांचा एकूण निकाल ९२.०९ टक्के लागला आहे.
खाजगी विद्यार्थ्यांमध्ये २९,५०६ विद्यार्थ्यांनी नोंदणी केली होती. त्यापैकी २८,८२५ विद्यार्थी परीक्षेस प्रविष्ट झाले आणि २२,००३ विद्यार्थी उत्तीर्ण झाले. खाजगी विद्यार्थ्यांचा निकाल ७६.३३ टक्के आहे.
तर पुनर्परीक्षार्थी विद्यार्थ्यांमध्ये २९,५१८ विद्यार्थ्यांनी नोंदणी केली होती. त्यापैकी २८,८६७ विद्यार्थी परीक्षेला बसले आणि ९,७५७ विद्यार्थी उत्तीर्ण झाले. पुनर्परीक्षार्थी विद्यार्थ्यांचा निकाल ३३.७९ टक्के इतका आहे.
Related Posts
नियमित, खाजगी आणि पुनर्परीक्षार्थी मिळून एकूण १६,१४,०५० विद्यार्थ्यांनी नोंदणी** केली होती. त्यापैकी १६,००,१६४ विद्यार्थी परीक्षेला बसले, तर १४,५२,२४६ विद्यार्थी उत्तीर्ण झाले. एकत्रित निकाल ९०.७५ टक्के लागला आहे.
दिव्यांग विद्यार्थ्यांमध्ये १०,०३१ विद्यार्थ्यांनी नोंदणी केली होती. त्यापैकी ९,९१२ विद्यार्थ्यांनी परीक्षा दिली आणि ९,०४२ विद्यार्थी उत्तीर्ण झाले. दिव्यांग विद्यार्थ्यांचा निकाल ९१.२२ टक्के आहे.यंदा विभागनिहाय निकालात कोकण विभाग ९७.६२ टक्क्यांसह अव्वल ठरला आहे. तर छत्रपती संभाजीनगर विभागाचा निकाल ८८.४१ टक्के असून तो सर्वात कमी आहे.
मुलींनी यंदाही बाजी मारली असून मुलींचा निकाल ९४.९६ टक्के तर मुलांचा निकाल ८९.५६ टक्के लागला आहे. म्हणजेच मुलींची उत्तीर्णतेची टक्केवारी मुलांपेक्षा ५.४० टक्क्यांनी जास्त आहे. फेब्रुवारी-मार्च २०२६ परीक्षेसाठी एकूण ६४ विषयांची परीक्षा घेण्यात आली होती. त्यापैकी २० विषयांचा निकाल १०० टक्के लागला आहे.
* ४,२२,८५१ विद्यार्थी प्राविण्यासह प्रथम श्रेणीत* ४,८२,२६४ विद्यार्थी प्रथम श्रेणीत* ३,८०,४३७ विद्यार्थी द्वितीय श्रेणीत* १,३४,९३४ विद्यार्थी उत्तीर्ण श्रेणीत उत्तीर्ण झाले आहेत.
राज्यातील २३,६९८ माध्यमिक शाळांमधून विद्यार्थ्यांनी परीक्षा दिली होती. त्यापैकी ६,६१२ शाळांचा निकाल १०० टक्के लागला आहे. गेल्या चार वर्षांचा निकाल पाहता यंदा निकालात घसरण दिसून आली आहे.
- * मार्च २०२३ : ९३.८३%
- * मार्च २०२४ : ९५.८१%
- * फेब्रुवारी-मार्च २०२५ : ९४.१०%
- * फेब्रुवारी-मार्च २०२६ : ९२.०९%
म्हणजेच २०२५ च्या तुलनेत यंदाचा निकाल २.०१ टक्क्यांनी कमी झाला आहे.विद्यार्थ्यांना अधिकृत संकेतस्थळावरून आपला निकाल पाहता येणार आहे.
