Pune Municipal Election। प्रचार संपतोय, पण तणाव वाढतोय ! पुणे–पिंपरी निवडणूक निर्णायक टप्प्यावर
Pune Municipal Election। पुणे : पुणे आणि पिंपरी–चिंचवड महापालिका निवडणुकीसाठी सुरू असलेली प्रचाराची रणधुमाळी आज सायंकाळी 5.30 वाजता थांबणार आहे. मतदानाच्या दोन दिवस आधी प्रचार थांबत असल्याने शहरातील राजकीय वातावरण निर्णायक टप्प्यावर पोहोचले आहे. गेल्या एक आठवड्यापासून शहरातील प्रत्येक प्रभागात सभा, पदयात्रा, कोपरा बैठका, रॅली, तसेच घरोघरी जाऊन मतदारांशी संपर्क साधण्याचे अभियान जोरात सुरू होते. सत्ताधारी आणि विरोधी पक्षांनी एकमेकांवर जोरदार आरोप–प्रत्यारोप करत मतदारांना आपापल्या बाजूने वळवण्याचा प्रयत्न केला. (pune pimpri chinchwad election campaign ends)
ZP–Panchayat Samiti Election: निवडणुकीला ब्रेक ! पुणे जिल्हा परिषद निवडणूक पुन्हा लांबली
रस्त्यांची अवस्था, पाणीपुरवठा, वाहतूक कोंडी, कचरा व्यवस्थापन, झोपडपट्टी पुनर्विकास, वाढते कर आणि प्रशासनाचे अपयश हे मुद्दे यंदाच्या प्रचाराचे केंद्रबिंदू ठरले. विकासाची आश्वासने, मागील कामगिरी आणि विरोधकांच्या अपयशांवर नेत्यांनी भर दिला. प्रचाराच्या शेवटच्या टप्प्यात स्टार प्रचारकांच्या सभांमुळे राजकीय तापमान आणखी वाढले. दरम्यान, आदर्श आचारसंहिता लागू असल्याने प्रशासनही सतर्क होते. ध्वनिक्षेपकांच्या वेळा, बेकायदा बॅनर–पोस्टर, फ्लेक्स काढण्याची मोहीम आणि प्रचार वाहनांची तपासणी यावर कडक नजर ठेवण्यात आली.
“गुन्हेगारांना थेट तुरुंगात पाठवणार ! पुण्यात फडणवीसांचा कडक इशारा”
बॅनर–पोस्टर हटवण्याचे सक्त आदेश
पिंपरी–चिंचवड महापालिकेच्या आचारसंहिता कक्षाच्या प्रमुख सुरेखा माने यांनी स्पष्ट केले की प्रचाराची वेळ संपताच सर्व राजकीय पक्ष व उमेदवारांनी सार्वजनिक ठिकाणांवरील बॅनर, पोस्टर, झेंडे व कटआउट तात्काळ काढून घ्यावेत.
जर महापालिकेला स्वतः ही सामग्री हटवावी लागली, तर त्याचा संपूर्ण खर्च संबंधित उमेदवाराच्या निवडणूक खर्चात धरला जाईल. तसेच वेळेत साहित्य न हटवल्यास संपत्ती विद्रुपीकरण कायद्यानुसार कारवाई केली जाईल. प्रचार थांबल्यानंतर आता प्रशासनाचे लक्ष मतदान केंद्रांच्या सुरक्षिततेवर आणि शांततेत मतदान पार पडावे यावर केंद्रीत राहील. नागरिकांनी कोणत्याही आमिषाला बळी न पडता निर्भयपणे मतदान करावे, असे आवाहन निवडणूक अधिकाऱ्यांनी केले आहे.पुणेकर पुढील पाच वर्षांसाठी शहराचा कारभार कुणाच्या हाती द्यायचा, याचा निर्णय लवकरच घेणार आहेत.
❓ प्रश्न–उत्तर
प्र. पुणे–पिंपरी चिंचवड निवडणूक प्रचार कधी संपणार?
👉 आज सायंकाळी 5.30 वाजता प्रचार थांबेल.
प्र. प्रचार संपल्यानंतर बॅनर व पोस्टर ठेवता येतील का?
👉 नाही. सर्व प्रचार साहित्य तात्काळ काढणे बंधनकारक आहे.
प्र. साहित्य न हटवल्यास काय कारवाई होईल?
👉 महापालिका ते काढेल व खर्च उमेदवाराच्या निवडणूक खर्चात धरला जाईल, तसेच गुन्हाही दाखल होऊ शकतो.
प्र. निवडणूक प्रशासनाने काय आवाहन केले आहे?
👉 शांतता राखून निर्भय व निष्पक्ष मतदान करण्याचे आवाहन केले आहे.
प्र. यंदाच्या निवडणुकीतील प्रमुख मुद्दे कोणते आहेत?
👉 रस्ते, पाणी, वाहतूक, कचरा, कर वाढ आणि प्रशासनाचा कारभार हे मुख्य मुद्दे आहेत.
