महानगरपालिका निवडणुका : राष्ट्रवादी काँग्रेसचे ४० स्टार प्रचारक मैदानात ; कोणाची लागली वर्णी ?

 

मुंबई | राज्यात होऊ घातलेल्या २९ महानगरपालिका सार्वत्रिक निवडणुकांसाठी राष्ट्रवादी काँग्रेस पक्षाने ४० स्टार प्रचारकांची यादी जाहीर केली आहे. ही यादी पक्षाचे प्रदेशाध्यक्ष खासदार **सुनिल तटकरे** यांनी प्रसिद्ध केली. या यादीत राष्ट्रवादी काँग्रेसचे **राष्ट्रीय अध्यक्ष व उपमुख्यमंत्री अजितदादा पवार, राष्ट्रीय कार्याध्यक्ष खासदार प्रफुल्ल पटेल, प्रदेशाध्यक्ष खासदार **सुनिल तटकरे, वैद्यकीय शिक्षण मंत्री हसन मुश्रीफ, माजी मंत्री धनंजय मुंडे, अन्न व औषध प्रशासन मंत्री नरहरी झिरवाळ, सहकार मंत्री बाबासाहेब पाटील, मदत व पुनर्वसन मंत्री मकरंद पाटील, कृषी मंत्री दत्तात्रय भरणे, विधानसभा उपाध्यक्ष अण्णा बनसोडे यांचा समावेश आहे.

 

 

तसेच महिला व बालविकास मंत्री अदिती तटकरे, पर्यटन राज्यमंत्री इंद्रनील नाईक, माजी मंत्री धर्मरावबाबा आत्राम, अनिल भाईदास पाटील, संजय बनसोडे, आमदार प्रतापराव चिखलीकर पाटील, ज्येष्ठ नेते व माजी मंत्री नवाब मलिक, अभिनेता सयाजी शिंदे, अल्पसंख्याक महामंडळाचे अध्यक्ष मुश्ताक अंतुले, माजी खासदार समीर भुजबळ, आमदार अमोल मिटकरी, आमदार सना मलिक-शेख यांचाही स्टार प्रचारकांमध्ये समावेश आहे.

 

 

याशिवाय महिला प्रदेशाध्यक्षा रुपाली चाकणकर, आमदार इद्रीस नायकवडी, माजी आमदार अनिकेत तटकरे, झिशान सिद्दीकी, राजेंद्र जैन, शरद पाटील, मुंबई कार्याध्यक्ष सिद्धार्थ कांबळे, प्रदेश सरचिटणीस सुरज चव्हाण, लहू कानडे, ओबीसी सेलचे प्रदेशाध्यक्ष कल्याण आखाडे, सामाजिक सेलचे प्रदेशाध्यक्ष सुनिल मगरे, अल्पसंख्याक सेलचे प्रदेशाध्यक्ष नाझेर काझी, प्रदेश प्रवक्ते महेश शिंदे, राजलक्ष्मी भोसले, ज्येष्ठ नेत्या सुरेखाताई ठाकरे, अल्पसंख्याक सेलचे नेते नजीब मुल्ला, प्रतिभाताई शिंदे, विकास पासलकर*l आदी नेत्यांचा यादीत समावेश आहे.

 

महानगरपालिका निवडणुकांमध्ये पक्षाची ताकद वाढवण्यासाठी आणि संघटन मजबूत करण्यासाठी या स्टार प्रचारकांची महत्त्वाची भूमिका राहणार असल्याचे पक्षाकडून सांगण्यात आले आहे.

महानगरपालिका निवडणुकांसाठी राष्ट्रवादी काँग्रेसचे ४० स्टार प्रचारक जाहीर. अजित पवार, प्रफुल्ल पटेल, सुनिल तटकरे यांचा समावेश.