नांदेड जिल्ह्यात लोकसहभागातून अंगणवाडी दत्तक घेता येणार
नांदेड : जिल्ह्यातील अंगणवाडी केंद्र सक्षम होण्याच्या दृष्टीने शासनाच्यावतीने लोकसहभागातून अंगणवाडी दत्तक धोरण (Anganwadi Adoption Policy) राबविण्यात येत आहे. अंगणवाडी दत्तक धोरणातर्गंत कॉर्पोरेट कंपन्या व त्यांचेमार्फत राबविण्यात येणारा सीएसआर (CSR) कार्यक्रम, अशासकीय सामाजिक स्वयंसेवी संस्था, विविध ट्रस्ट, संघटना, रोटरी क्लब, लायन्स क्लब, व्यक्ती, कुटूंब, समूह या सर्व घटकांनी या धोरणात सहभाग घेवून योगदान द्यावे, असे आवाहन जिल्हाधिकारी अभिजीत राऊत (Collector Abhijit Raut) यांनी केले आहे. (Anganwadi adoption policy announced through public participation in Nanded district)
अंगणवाडी केंद्र दत्तक घेण्यास इच्छुक घटक अंगणवाडी केंद्रात स्वेच्छेने सुविधा देऊ शकतील. यात भौतीक सुविधा, शैक्षणिक सुविधा, वृध्दी संनियंत्रणासाठी आवश्यक साहित्य उपलब्ध करुन देणे अथवा दुरुस्ती करुन देणे, प्रशिक्षण व कौशल्य विकास कार्यक्रम, आरोग्य तपासणी व सुविधा, इतर सहाय्य या सुविधाचा समावेश आहे. (Anganwadi adoption policy announced through public participation in Nanded district)
Related Posts
अंगणवाडी दत्तक धोरणामध्ये सहभाग घेणाऱ्या इच्छूकांना आदर्श अंगणवाडी योजनेमध्ये देण्यात येणाऱ्या सुविधाच्या धर्तीवर 1 लाख 50 हजार रुपयाच्या मर्यादेत सुविधा उपलब्ध करुन देता येतील. अंगणवाडी केंद्रामध्ये किरकोळ दुरुस्ती व अन्य ऐच्छिक कामांसाठी 50 हजार रुपये व त्यापेक्षा अधिक रकमेच्या मर्यादेत सुविधा उपलब्ध करुन देता येतील. (Anganwadi adoption policy announced through public participation in Nanded district)
अंगणवाडी केंद्राना सहाय्य करण्यासाठी इच्छूकांनी आयुक्त एकात्मिक बाल विकास सेवा योजना यांना comicdsawcadoption@gmail.com या ईमेलवर तसेच जिल्हा कार्यक्रम अधिकारी, बाल विकास प्रकल्प अधिकारी यांच्याशी किंवा तरंग सुपोषित महाराष्ट्राचा 8080809063 किंवा जिल्हा परिषदेचे विस्तार अधिकारी श्री. सोनवणे यांचा मो.क्र.8888766444 वर संपर्क साधावा, असे कळविले आहे. (Anganwadi adoption policy announced through public participation in Nanded district)
