महाराष्ट्र सरकारकडून रिअल इस्टेट क्षेत्राला कोणती आश्वासने मिळाली?

पुणे, क्रेडाई पुणे शाखेच्या २०२५–२७  या कालावधीसाठी नवीन कार्यकारिणीचा पदग्रहण सोहळा उपमुख्यमंत्री एकनाथ शिंदे यांच्या उपस्थित शुक्रवारी झाला. कार्यक्रमात प्रशासन आणि बांधकाम व्यावसायिकांमध्ये संवाद झाला त्या विविध विषयावर मत प्रदर्शित करण्यात आले. या कार्यक्रमास जिल्हाधिकारी जितेंद्र डुडी, पुणे महापालिका आयुक्त नवल किशोर राम, पिंपरी-चिंचवड आयुक्त शेखर सिंह, नगररचना विभागाच्या संयुक्त संचालिका प्रतिभा भदाणे, एसआरएचे सीईओ निलेश गटणे आणि इतर वरिष्ठ अधिकाऱ्यांची उपस्थिती होती. (credai pune 2025 new team)

 

राज्यातील एका टोकापासून दुसऱ्या टोकापर्यंत ८ तासांत प्रवास शक्य

 

 

उपमुख्यमंत्री शिंदे यांनी सांगितले की, “महाराष्ट्र हे केवळ समृद्धीचे नव्हे तर संधीचे राज्य आहे. भारताच्या ५ ट्रिलियन डॉलर्स अर्थव्यवस्थेच्या दिशेने वाटचाल करताना, महाराष्ट्र एकटा $1 ट्रिलियनचा वाटा उचलणार आहे. अचल संपत्ती क्षेत्र हे या वाढीचा महत्त्वाचा भाग आहे.” कोविडसारख्या संकटकाळातही संस्थेने नागरिकांसाठी महत्त्वाचे योगदान दिले. स्टँप ड्युटीतील सवलती असूनही महसूल वाढला हे याचे उदाहरण आहे. त्यांनी सांगितले की, मुंबईतील जलद विकासाप्रमाणेच पुण्यातही प्रकल्प जलदगतीने राबवले जातील.

 

 

क्रेडाई पुण्याचे नवे अध्यक्ष मनीष जैन यांनी शासनासमोर विकासकांच्या अडचणी प्रभावीपणे मांडल्या. त्यांनी पर्यावरण मंजुरी आणि इमारत परवाना प्रक्रिया समांतर पार पडावी, अशी मागणी केली, जेणेकरून परवानग्यांसाठी होणारा विलंब टाळता येईल. “सुमारे ९०% वेळ परवानग्या मिळवण्यात जातो, प्रत्यक्ष बांधकामासाठी फक्त १०% वेळ मिळतो,” असे त्यांनी स्पष्ट केले.

 

 

 

शहरी नियोजन योजनांचा (TP Schemes) टप्प्याटप्प्याने अंमलबजावणी करण्याची शिफारस त्यांनी केली. दोन पायलट प्रकल्पांचे विश्लेषण करून त्यानंतर विस्तार केल्यास अधिक परिणामकारक अंमलबजावणी होईल, असे ते म्हणाले.  एक मोठी घोषणा करताना, मनीष जैन यांनी सांगितले की, पुण्यात COEP मध्ये १०,००० चौ.फुटांचे “सेंटर ऑफ एक्सलन्स” उभारले जाणार आहे. हे केंद्र आधुनिक बांधकाम तंत्रज्ञान, नवोन्मेष व विद्यार्थ्यांसाठी मार्गदर्शनाचे केंद्र ठरेल.

 

 

विकसकांना ब्लॅकमेल करणाऱ्यांपासून संरक्षण देण्यासाठी अधिक ठोस कायदेशीर संरचनेची गरज असल्याचेही त्यांनी नमूद केले. पोलिस आणि कायदा अंमलबजावणी संस्थांशी समन्वय वाढवण्याचे आवाहन त्यांनी केले. तसेच, क्रेडाई महिला विंगला अधिक सक्रीय करण्याचे आवाहन करत, संस्थेच्या सदस्यांना मार्गदर्शन देणारी व्यावसायिक टीम स्थापन करण्याचा प्रस्तावही त्यांनी मांडला. कार्यक्रमाचा शेवट उपमुख्यमंत्र्यांच्या ठाम विधानाने झाला – “आमचे उद्दिष्ट एकच – विकास, विकास आणि अधिक विकास. आणि या प्रवासात क्रेडाई आमचे भागीदार असतील.” (credai pune 2025 new team oath eknath  shinde)