ब्रेन बायपास सर्जरीनंतर सॉफ्टवेअर इंजिनिअरला नवे आरोग्य; पुण्यातील डॉक्टरांचे यश

पुणे : मणिपाल हॉस्पिटल्स, बाणेर येथील न्यूरोसर्जनच्या टीमने पुण्यातील ३२ वर्षीय सॉफ्टवेअर इंजिनिअरवर सुपरफिशियल टेम्पोरल आर्टरी ते मिडल सेरेब्रल आर्टरी (STA-MCA) बायपास शस्त्रक्रिया केली. सामान्य भाषेत याला ‘ब्रेन बायपास सर्जरी’ असे म्हणतात. या रुग्णाला वारंवार इस्केमिक अटॅक येत होते. स्ट्रोकनंतर त्याला एका डोळ्याने दिसणे बंद झाले होते. मात्र या यशस्वी शस्त्रक्रियेमुळे रुग्ण आता पूर्णपणे बरा झाला असून दृष्टीही परत आली आहे. येणाऱ्या स्ट्रोकचे प्रमाणही कमी झाले आहे. (brain bypass surgery pune manipal hospital success)

आषाढी वारी २०२५ : पालखी तळावरील बारा ठिकाणी जर्मन हँगर पद्धतीने खास मंडप उभारणी

रुग्णाला मागील सहा महिन्यांपासून शरीराच्या डाव्या बाजूला कमकुवतपणा जाणवण्याचे अनेक झटके येत होते. हे झटके काही मिनिटे चालत आणि बहुधा रक्तदाब कमी होणे किंवा शरीरातील पाणी कमी होणे अशा कारणांमुळे होत असत. तपासणीत त्यांच्या उजव्या बाजूच्या मिडल सेरेब्रल आर्टरीत (MCA) पूर्ण ब्लॉकेज आढळून आले. डॉक्टरांना मोया-मोया रोगाचा संशय आला. ही एक दुर्मिळ व वाढत जाणारी मेंदूतील रक्तवाहिन्यांची समस्या असून ती विशेषतः आशियाई देशांतील युवकांमध्ये आढळते. या रुग्णात स्टेंट बसवणे शक्य नव्हते, त्यामुळे पारंपरिक उपचार पद्धतींचा पर्याय निवडला गेला नाही. (brain bypass surgery pune manipal hospital success)

पुणे महापालिकेच्या नवीन प्रभाग रचनेसाठी पहिल्यांदाच सॅटेलाईट व गुगल अर्थचा वापर होणार

मणिपाल हॉस्पिटलचे एचओडी व कन्सल्टंट – न्यूरोसर्जर डॉ. अमित धाकोजी म्हणाले, “हा अतिशय गुंतागुंतीचा प्रकरण होता. त्यामुळे आम्ही STA-MCA बायपास शस्त्रक्रिया करण्याचा निर्णय घेतला. या तंत्रज्ञानात मेंदूतील सुपीक भागातील सुपरफिशियल टेम्पोरल आर्टरीला ब्लॉकेजपासून दूर असलेल्या मिडल सेरेब्रल आर्टरीच्या कार्यरत भागाशी जोडले जाते. या प्रक्रियेमुळे मेंदूतील नुकसानग्रस्त भागात पुन्हा रक्तपुरवठा सुरू होतो. शस्त्रक्रियेनंतर रुग्णाची प्रकृती लक्षणीय सुधारली असून वारंवार होणारे इस्केमिक अटॅक पूर्ण थांबले. विशेष म्हणजे ज्यामुळे डोळा अंध झाला होता, त्या डोळ्याची दृष्टीही आंशिकपणे परत आली.”

पुणे : लोणावळा-मावळ पर्यटनस्थळी ३१ ऑगस्टपर्यंत बंदी ; जिल्हाधिकाऱ्यांनी का घेतला हा निर्णय ?

मणिपाल हॉस्पिटल क्लस्टर डायरेक्टर आनंद मोटे म्हणाले, “मणिपाल हॉस्पिटलमध्ये आम्ही नेहमीच जटिल व दुर्मिळ आजारांवरही उत्कृष्ट वैद्यकीय उपचार देण्याचा प्रयत्न करतो. या शस्त्रक्रियेमुळे आमच्या इंटरडिसिप्लिनरी टीमवर्क, अत्याधुनिक तंत्रज्ञान व सखोल वैद्यकीय ज्ञानाचे महत्व अधोरेखित झाले आहे. अचूकता आणि सहानुभूती यांचा योग्य संगम आमच्या रुग्णालयात नेहमी पाहायला मिळतो.” ही यशस्वी शस्त्रक्रिया डॉ. अमित धाकोजी, डॉ. श्रेय कुमार शाह आणि त्यांच्या टीमने पूर्ण केली. (pune manipal brain bypass surgery success)