नांदेड जिल्ह्यात जात प्रमाणपत्र देण्यासाठी मंडणगड पॅटर्न, काय आहे पॅटर्न ?
Mandangad pattern नांदेड : जात वैधता प्रमाणपत्र (Caste Validity Certificate) मिळविण्यासाठी विद्यार्थ्यांना वेळेत मिळत नाही. त्यामुळे प्रवेश घेण्यास अडचण निर्माण होते. आता जिल्ह्यात तालुकानिहाय महाविद्यालयस्तरावर शनिवार 3 डिसेंबर 2022 रोजी एक दिवसीय जात वैधता प्रमाणपत्र वाटप व मार्गदर्शन शिबीराचे (Caste Validity Certificate Distribution Camp) आयोजन करण्यात आले आहे.हा मंडणगड पॅटर्न असून, नांदेड जिल्ह्यातही राबविण्यात येत आहे. (Mandangad pattern for issuing caste certificate in Nanded district what is the pattern?)
जिल्ह्यातील सर्व प्राचार्य (Principal), कनिष्ठ विज्ञान महाविद्यालयांनी सन 2022-23 या वर्षातील प्रवेशीत इयत्ता 11 वी व 12 विज्ञान शाखेतील मागासवर्गीय विद्यार्थ्यांच्या जात प्रमाणपत्र पडताळणीबाबत (Caste Validity Certificate) आयोजित तालुकानिहाय शिबिराच्या ठिकाणी संबंधित तालुक्याचे महाविद्यालयाचे प्राचार्य, प्रतिनिधी तसेच महाविद्यालयात स्थापन केलेल्या समानसंधी केंद्राचे नियुक्त प्रमुख प्रतिनिधींनी मंडणगड पॅटर्न प्रमाणे कार्यवाही करण्यासाठी माहितीसह उपस्थित रहावे. या शिबिराचा लाभ घेण्याचे आवाहन समितीचे अध्यक्ष प्रकाश खपले, उपायुक्त तथा सदस्य अनिल शेंदारकर व संशोधन अधिकारी तथा सदस्य सचिव सतेंद्र आऊलवार यांनी केले आहे. (Mandangad pattern for issuing caste certificate in Nanded district what is the pattern?)
Related Posts
सामाजिक न्याय व विशेष सहाय्य विभागाच्या निर्देशानुसार 26 नोव्हेंबर संविधान दिन ते डॉ. बाबासाहेब आंबेडकर यांचा महापरिनिर्वाण दिन 6 डिसेंबर 2022 पर्यंत ‘समता पर्व’ साजरे केले जात आहे. या अनुषंगाने नांदेड जिल्हा जात प्रमाणपत्र पडताळणी समितीच्यावतीने सन 2022-23 या वर्षातील प्रवेशित इयत्ता 12 वी विज्ञान शाखेतील मागासवर्गीय विद्यार्थ्यांचे समितीकडे दाखल केलेल्या जाती दावा पडताळणी प्रस्तावांमध्ये समितीने दिनांक 28 नोव्हेंबर पासून ते 2 डिसेंबर 2022 पर्यंत वैध केलेल्या प्रकरणात संबंधित अर्जदार यांना समक्ष जात वैधता प्रमाणपत्र वाटप केले जाणार आहे. तसेच सर्व महाविद्यालयांमध्ये स्थापन केलेल्या समानसंधी केंद्राचे नियुक्त केलेले प्रमुख प्रतिनिधींना मंडणगड पॅटर्न प्रमाणे जात प्रमाणपत्र पडताळणीबाबत मार्गदर्शन केले जाणार आहे. (Mandangad pattern for issuing caste certificate in Nanded district what is the pattern?)
तालुकानिहाय शिबिराचे आयोजन
नांदेड जिल्ह्यात शनिवार 3 डिसेंबर 2022 रोजी सकाळी 10.30 ते दुपारी 3.30 वाजेपर्यंत धर्माबाद व बिलोली तालुक्यासाठी लाल बहादूरशास्त्री महाविद्यालय धर्माबाद येथे शिबिराचे आयोजन करण्यात आले आहे. याच बरोबर भोकर, हिमायतनगर, किनवट तालुक्यासाठी श्री शाहू महाराज महाविद्यालय बोरगाव रोड भोकर येथे, देगलूर तालुक्यासाठी देगलूर महाविद्यालय देगलूर, नायगाव तालुक्यासाठी जनता हायस्कुल नायगाव येथे, लोहा व कंधार तालुक्यासाठी श्री संत गाडगे महाराज महाविद्यालय लोहा येथे, हदगाव व माहूर तालुक्यासाठी पंचशिल महाविद्यालय हदगाव येथे, मुखेड तालुक्यासाठी महात्मा ज्योतिबा फुले महाविद्यालय मुखेड येथे. नांदेड, अर्धापूर, व मुदखेड तालुक्यासाठी यशवंत महाविद्यालय नांदेड येथे तर उमरी तालुक्यासाठी कै. बाबासाहेब देशमुख बोरटकर कला, वाणिज्य व विज्ञान महाविद्यालय उमरी येथे जात वैधता प्रमाणपत्र वाटप व मार्गदर्शन शिबिराचे आयोजन करण्यात आले आहे, अशी माहिती अनिल शेंदारकर उपायुक्त तथा सदस्य जिल्हा जात प्रमाणपत्र पडताळणी समिती नांदेड यांनी प्रसिद्धी पत्रकाद्वारे दिली आहे.
