पुण्यात कोविड-१९ रुग्णसंख्येत वाढ; PMC ची आपत्कालीन बैठक
प्रतिबंधात्मक उपायांची तयारी सुरू
पुणे : पुणे शहरात अलीकडे कोरोना रुग्णसंख्येत झालेली वाढ लक्षात घेऊन पुणे महानगरपालिकेने (PMC) सोमवारी (९ जून) आपत्कालीन आढावा बैठक बोलावली आहे. या बैठकीचा उद्देश सध्या उद्भवलेल्या संसर्ग स्थितीचा आढावा घेणे आणि प्रतिबंधात्मक उपाय अधिक बळकट करणे आहे. PMC च्या अधिकाऱ्यांनी दिलेल्या माहितीनुसार, १ जून ते ६ जून २०२५ या सहा दिवसांत शहरात ६४ नवीन कोविड-१९ रुग्ण आढळले आहेत, तर म्है महिन्यात एकूण १०८ रुग्ण नोंदवले गेले होते. या तुलनेत सध्या संसर्ग दरात वाढ दिसून येत आहे. PMC च्या आकडेवारीनुसार, जानेवारी २०२५ पासून पुणे शहरात आतापर्यंत एकूण १३७ कोविड-१९ रुग्ण नोंदवले गेले आहेत. (covid19 pune pmc emergency meeting)
विकासकांसाठी आनंदाची बातमी; NA आणि माइनिंग परवानगी ऑनलाईन होणार!
सध्या रुग्णसंख्या नियंत्रणात असली तरी मान्सूनच्या आगमनामुळे संसर्ग झपाट्याने वाढण्याची शक्यता व्यक्त करण्यात आली आहे. त्यामुळे PMC तर्फे आवश्यक तयारीचे संकेत देण्यात आले आहेत. PMC आयुक्त नवल किशोर राम यांनी संबंधित विभागप्रमुख व आरोग्य अधिकाऱ्यांना बैठकीस अनिवार्यपणे उपस्थित राहण्याचे आदेश दिले आहेत. या बैठकीत निगराणी यंत्रणा अधिक मजबूत करणे, रुग्णालयांत औषधे व बेड्सची उपलब्धता सुनिश्चित करणे, चाचणी (टेस्टिंग) वाढवणे आणि जनजागृतीसाठी प्रभावी संवाद धोरण तयार करणे यावर चर्चा होणार आहे. (covid19 pune pmc emergency meeting)
Related Posts
या आढावा बैठकीस PMC चा आरोग्य विभाग, सार्वजनिक आरोग्य विभाग, रॅपिड रिस्पॉन्स टास्क फोर्स, नॅशनल केमिकल लॅबोरेटरी (NCL), नॅशनल इन्स्टिट्यूट ऑफ व्हायरोलॉजी (NIV), बी.जे. मेडिकल कॉलेज, तसेच खाजगी रुग्णालयांचे तज्ज्ञ उपस्थित राहणार आहेत. (covid19 pune pmc emergency meeting)
PMC च्या आरोग्यप्रमुख डॉ. नीना बोराडे यांनी सांगितले, “आम्ही रुग्णसंख्येतील वाढीवर बारकाईने लक्ष ठेवले आहे. कोरोना रुग्णांच्या व्यवस्थापनासाठी आवश्यक मानक कार्यपद्धती (SOPs) आधीच जारी करण्यात आलेल्या आहेत. आमचे उद्दिष्ट कोणताही संभाव्य उद्रेक रोखण्यासाठी पूर्ण तयारीत असणे हेच आहे.”
