पुणे मेट्रो विकेंड ऑफर – प्रत्येक तिकीटावर ३०% सूट | Pune Metro Weekend Discount
पुणे : पुणेकरांसाठी मेट्रो प्रवास आता अधिक स्वस्त आणि सोयीस्कर होणार आहे. पुणे मेट्रो प्रशासनाने विकेंडसाठी (शनिवार आणि रविवार) विशेष योजना जाहीर केली असून, या दोन दिवसांत प्रवास करणाऱ्या नागरिकांना प्रत्येक तिकीटावर ३० टक्के सूट मिळणार आहे.
शनिवार-रविवारी पुणेकर खरेदी, पर्यटन किंवा नातेवाईकांच्या भेटीसाठी घराबाहेर पडतात. या सवलतीमुळे अधिकाधिक प्रवाशांना मेट्रोचा वापर करण्यास प्रोत्साहन मिळणार आहे. प्रशासनाचा उद्देश फक्त प्रवाशांना फायदा देणे नाही, तर शहरातील वाहतूक कोंडी आणि प्रदूषण कमी करण्याचाही आहे.
“जाचक जीएसटीतून मुक्तता करण्याचे श्रेय राहुल गांधींनाच” – माजी आमदार मोहन जोशी
सध्या पुणे मेट्रोची सेवा पिंपरी-चिंचवड ते शिवाजीनगर आणि वनाझ ते रुबी हॉल क्लिनिक या दोन मार्गांवर सुरू आहे. विकेंडला प्रवाशांची संख्या वाढण्याची अपेक्षा असून, या योजनेमुळे नागरिकांना जलद, सुरक्षित आणि आरामदायक प्रवासाचा अनुभव मिळणार आहे.
पुणे मेट्रो प्रशासनाने नागरिकांना आवाहन केले आहे की, ही संधी वापरून सार्वजनिक वाहतुकीला प्राधान्य द्यावे, ज्यामुळे वाहतूक कोंडी व प्रदूषण कमी करण्यास मदत होईल.
