पुण्यात राष्ट्रवादी काँग्रेसच्या शहराध्यक्षपदी  सुनील टिंगरे आणि सुभाष जगताप यांची नियुक्ती

पुणे : राष्ट्रवादी काँग्रेस पक्षाने ( Ajit Pawar’s NCP Splits Pune Leadership) पुणे शहरात संघटनात्मक पुनर्रचनेचा मोठा निर्णय घेत, प्रथमच दोन शहराध्यक्षांची नियुक्ती केली आहे. पूर्व पुण्यासाठी माजी आमदार सुनील टिंगरे तर पश्चिम पुण्यासाठी माजी सभागृह नेते सुभाष जगताप यांच्यावर पक्षाची धुरा सोपवण्यात आली आहे. या बदलाचे औपचारिक घोषण उपमुख्यमंत्री अजित पवार यांनी रविवारी केली. माजी शहराध्यक्ष दीपक मानकर यांच्यावर गुन्हा दाखल झाल्यानंतर त्यांच्याकडून राजीनामा घेण्यात आला होता, त्यानंतर लगेचच ही नव्या नियुक्त्यांची प्रक्रिया पूर्ण झाली. (Sunil Tingre and Subhash Jagtap appointed as city presidents of NCP in Pune)

 

 

“हे पद केवळ औपचारिकतेसाठी नाही, तर लोकांच्या प्रश्नांसाठी” — सुभाष जगताप

आपल्या नियुक्तीनंतर सुभाष जगताप यांनी प्रतिक्रिया देताना सांगितले, “शहराध्यक्षपद ही केवळ नावेची गोष्ट नाही, तर जनतेच्या प्रश्नांसाठी एक सक्रिय माध्यम ठरेल. पक्षाच्या धोरणानुसार काम करत पश्चिम पुण्यात संघटनेला अधिक बळकट करण्याचा माझा प्रयत्न असेल.”

 

महत्त्वाचे मुद्दे

राष्ट्रवादीने प्रथमच दोन शहराध्यक्ष नेमले. पूर्व पुण्यासाठी सुनील टिंगरे, पश्चिम पुण्यासाठी सुभाष जगताप. कार्याध्यक्षपदी देशमुख, ठोंबरे व शेख . अजून चार कार्याध्यक्ष लवकरच नेमले जाणार आहेत. महापालिका निवडणुकीच्या तयारीचा भाग म्हणून त्याकडे पाहिले जात आहे.