अखेर पुणे महापालिकेची अंतिम प्रभाग रचना जाहीर : कुठे झाले बदल जाणून घ्या

पुणे : पुणे महानगरपालिकेच्या सार्वत्रिक निवडणुकीसाठीची अंतिम प्रभाग रचना अखेर शनिवारी जाहीर करण्यात आली. प्रारूप प्रभागरचनेवर मोठ्या प्रमाणात हरकती आणि सूचना नोंदविण्यात आल्याने, निवडणूक आयोगाने त्या विचारात घेत काही प्रभागांमध्ये किरकोळ बदल केले आहेत. तसेच आठ प्रभागांची नावे बदलण्यात आली असून, यंदा पहिल्यांदाच एकूण १२ प्रभागांमध्ये बदल करण्यात आले आहेत.

 

 

निवडणूक आयोगाने प्रसिद्ध केलेल्या अंतिम प्रभाग रचनेनुसार 

प्रभाग क्रमांक १८ (वानवडी–साळुंके विहार) मधील शिंदे वस्तीचा भाग* आता प्रभाग १४ (कोरेगाव पार्क–घोरपडी–मुंढवा) मध्ये समाविष्ट करण्यात आला आहे.

प्रभाग १४ मधील मगरपट्टा सिटी रस्त्याच्या समोरील भाग प्रभाग १७ (रामटेकडी–माळवाडी–वैदुवाडी) ला जोडला गेला आहे.

प्रभाग २० (बिबवेवाडी–महेश सोसायटी) मधील *पुण्याई नगर (के.के. मार्केट) हा भाग प्रभाग ३८ (बालाजी नगर–आंबेगाव–कात्रज) मध्ये समाविष्ट झाला आहे.

प्रभाग ३४ (नऱ्हे–वडगाव बुद्रुक–आंबेगाव) चा काही भाग तसेच *कोळेवाडी आणि जांभूळवाडी* हेदेखील प्रभाग ३८ मध्ये जोडले गेले आहेत.

परिणामी, प्रभाग ३८ अधिक मोठा झाल्याने सुखसागरनगरचा भाग कमी करून तो प्रभाग ३९ (अप्परसुपर–इंदिरानगर) मध्ये समाविष्ट करण्यात आला आहे.

प्रभाग १५ (मांजरी बुद्रुक–केशवनगर–साडेसतरा नळी) मधील थिटे वस्तीचा भाग प्रभाग ४ (खराडी–वाघोली) ला जोडण्यात आला आहे.

 

या प्रभागात सर्वाधिक हरकती नोंदविण्यात आल्या होत्या आणि नागरिकांनी सुनावणीदरम्यान आपली मते स्पष्टपणे मांडली होती.

 

नवीन प्रभागाचे नाव | जुने नाव

प्रभाग १ – कळस-धानोरी-लोहगाव उर्वरित – कळस-धानोरी

प्रभाग १४ – कोरेगाव पार्क-घोरपडी-मुंढवा – कोरेगाव पार्क- मुंढवा प्रभाग १५ – मांजरी बुद्रुक-केशवनगर- साडेसतरा नळी – मांजरी बुद्रुक- साडेसतरा नळी.

प्रभाग १७ – रामटेकडी- माळवाडी- वैदुवाडी – रामटेकडी –  माळवाडी

प्रभाग २० – शंकर महाराज मठ- बिबवेवाडी – बिबवेवाडी- महेश सोसायटी

प्रभाग २४ – कसबा गणपती- कमला नेहरू हॉस्पिटल – के.ई.एम. हॉस्पिटल – कमला नेहरू हॉस्पिटल- रास्ता पेठ

प्रभाग २६ – घोरपडे पेठ- गुरुवार पेठ- समताभूमी – गुरुवार पेठ- घोरपडे पेठ

प्रभाग ३८ – बालाजी नगर- आंबेगाव- कात्रज – आंबेगाव- कात्रज |

 

बदल झालेले एकूण १२ प्रभाग

प्रभाग क्रमांक १, ४, १४, १५, १७, १८, २०, २४, २७, ३४, ३८ आणि ३९ मध्ये बदल करण्यात आले आहेत. महापालिकेच्या १६५ नगरसेवकांसाठी तयार करण्यात आलेल्या ४१ प्रभागांच्या प्रारूप रचनेवर एकूण ५,९२२ हरकती आल्या होत्या. त्यापैकी ४,५२४ हरकती अमान्य, १,३२९ हरकती मान्य आणि ६९ हरकती अंशतः मान्य करण्यात आल्या. मध्यवर्ती पेठांतील प्रभागांबाबत नोंदविण्यात आलेल्या सूचनांना मान्यता देण्यात आलेली नाही.