पुणे : सिंहगड रस्ता परिसरातील किरकटवाडी, नांदोशी, नांदेड, धायरी (Kirkatwadi, Nandoshi, Nanded, Dhayri) या गावांमध्ये गुइलेन बॅरे सिंड्रोमचे (जीबीएस) अधिक रुग्ण सापडत असल्याने राजाराम पूल ते खडकवासला दरम्यान महापालिका हद्दीतील भागाला बाधित क्षेत्र म्हणून घोषित करण्यात आले आहे. या ठिकाणी घरोघरी जाऊन महापालिकेकडून सर्वेक्षण केले जात आहे. ८५ पथके त्यासाठी नेमली आहेत. नागरिकांनी घाबरू नये, यासाठी पथकांकडून जनजागृतीही केली जात आहे. या आजारावर नियंत्रण मिळवण्यास यश मिळत असल्याची माहिती आरोग्य विभागाच्या प्रमुख डॉ. नीना बोराडे (Pune Municipal Corporation Health Department Head Dr. Nina Borade) यांनी दिली.(GBS affected area declared between Rajaram Bridge and Khadakwasla!)